Ndërsa në jo pak raste kryeministi i Shqipërisë, fajëson mediat që i quan kazan, kryeqeveritari kosovar i falenderon. Haradinaj ka komentuar ngjarjen e rëndë ku një mësues e një polic kanë abuzuar seksualisht me një të mitur në Drenas, duke shprehur tronditjen e thellë por edhe duke falenderuar të gjithë ata që ndihmojnë në raportimin e këtyre ngjarjeve.
Haradinaj bën një apel për të gjitha vajzat dhe gratë: Apeloj te të gjitha vajzat dhe gratë që janë cak i abuzimeve dhe kërcënimeve të kësaj natyre, të paraqesin rastet dhe të raportojnë dhunuesit.
Haradinaj shkruan:
Me shqetësim mora lajmin për rastin e fundit të abuzimit seksual me të miturën nga Drenasi. Jam i tronditur që një mësues që i besojmë femiun dhe një polic që i besojmë sigurinë të abuzojnë me një të mitur. Përgëzoj reagimin e shpejtë të autoriteteve komunale dhe qëndrore ndaj këtyre abuzuesve. Bashkëndjejë me familjen e të abuzuares dhe i siguroj që organet e drejtësisë do të merren me rastin seriozisht. Dua t’i falenderoj mediat për angazhimin e pandalshëm që të raportojnë për raste të tilla dhe të shtyejnë reagimin institucional dhe shoqërore. Apeloj te të gjitha vajzat dhe gratë që janë cak i abuzimeve dhe kërcënimeve të kësaj natyre, të paraqesin rastet dhe të raportojnë dhunuesit.
RH
