Këshilltarët e LSI-së në Durrës bojkotojnë mbledhjen e këshillit bashkiak pas debatit me kryebashkiakun socialist Vangjush Dako
Një krisje e thellë ka ndodhur midis Partisë Socialiste dhe Lëvizjes Socialiste për integrim në Durrës. Burime të 27.al, konfirmojnë se këshilltarët e LSI-së bojkotuan sot mbledhjen e këshillit bashkiak në shënjë proteste për marrëveshjen e shkelur nga ana e PS-së. LSI pretendon se kryetari i bashkisë Vangjush Dako, nuk ka respektuar marrëveshjen për ndarjen e vendeve të punës por edhe për të tjera çështje në këtë bashki. Prej disa javësh, LSI ka sinjalizuar kryebashkiakun socialist duke i kërkuar respektimin e marrëveshjes, por nuk ka pasur asnjë reflektim nga ana e Dakos.
Burimet thonë se reagimi i kryebashkiakut socilaist ndaj pretendimeve të LSI-së në Durrës ka qënë arrogant, gjë që ka shkaktuar bojkotin e këshilltarëve dhe një debat të fortë mes tyre. Kryebashkiaku është sinjalizuar për këtë problematikë edhe nga krerët e LSI-së. Burime thanë se ministri i Mjedisit, Lefter Koka, i ka kërkuar Dakos të respetkohet marrëveshja por ky komunikim veçse ka thelluar konfliktin mes palëve pasi Dako e Koka kanë debatuar mes tyre. Një situatë e ngjashme ka nisur të shfaqet në shumë këshilla bashkiakë, ku LSI ka shprehur pakënaqësi ndaj kryebashkiakëve të PS. Ka ndodhur I njëjti problem edhe në bashkitë ku kryetar është LSI dhe ku socilaistët pretendojnë se nuk është respektuar marrëveshja për ndarjen e vendeve të punës.
