Përbërës me rrezikshmëri të lartë kancerogjene, AIFA bllokon barnat me përmbajtje ranitidine

Agjensia Italiane e Barnave, AIFA ka marrë vendimin e rëndësishëm në lidhje me një përbërës shumë të rrezikshëm për ilaçet.
rainews.it raporton se AIFA ka urdhëruar tërheqjen e të gjitha barnave, në të cilat është i pranishëm përbërësi aktiv ranitidina, i përdorur për të trajtuar problemet e stomakut, siç është aciditeti.
Ky vendim merret, për shkak të pranisë së një papastërtie kancerogjene potencialisht në ilaçet e prodhuara nga laboratorët “Saraca” në Indi.
Saktësisht, është papastërtia N-nitrosodimethylamine (NDMA) e klasës së nitrosamine.
Së bashku me agjencitë e tjera, AIFA po merr masa paraprake për të minimizuar rreziqet për pacientët. Qëllimi është të minimizohet ekspozimi ndaj substancës potencialisht të dëmshme.
Gjithmonë si masë paraprake, Agjencia ka ndaluar përdorimin e të gjitha pjesëve të tregtuara në Itali të ilaçeve që përmbajnë ranitidinë të prodhuara nga kompani të tjera farmaceutike, në pritje të analizës së tyre.