Duket se vendi ynë nuk po gjen qetësi. Pas pandemisë dhe tërmetit një tjetër sëmundje e rrezikshme duket se po shfaqet. Bëhet me dije se, ditën e sotme është shfaqur sëmundja e brucelozës në një fermë në fshatin Bylysh, Bashkia Memaliaj. Të prekura nga kjo sëmundje janë disa krerë bagëti, të cilat janë karantinuar ndërsa janë kryer të gjitha analizat nga shërbimi veterinar i Tepelenës i cili ka konfirmuar sëmundjen.
Bruceloza është një sëmundje e cila transmetohet nga kafshët tek njerëzit. Ndërsa pritet përgjigjja e analizave të dërguara në ISUV për të gjitha bagëtitë e kësaj stalle. Por, rreziku paralajmërohet duke qenë se është një sëmundje shumë ngjitëse.
