Partizani ka një sfidë shumë të vështirë kundër një ekipi me potencial të rëndësishëm si Red Bull Salzburgut. Këtë fakt e di mjaft mirë dhe trajneri i të kuqve Adolfo Sormani i cili në konferencën për shtyp në prag të kësaj sfide kërkoi të reduktonte dozat e efuorisë pas kualfikimit në Hungari duke deklaruar se është një përballje në thonjza mes miut dhe elefantit
“Kam kuptuar gjatë këtyre ditëve se ka një optimizëm, ndoshta edhe të tepruar, duhet të jemi modest dhe të rikthehemi me këmbë në tokë, mos të harrojmë se është një përballje mes miut dhe elefantit, besoj e dini forcën e Salzburgut . Ne duhet te punojme me shume se te tjeret dhe te flasim me pak. Detyra jonë është të japim më të mirën përballë cdo kundërshtari. Eshte krenari që përfaqësojmë këtë fanellë. Ne nje kohe qe Alban Hoxha eshte ne vemendjen e te gjitheve, une dua të theksoj se ne nuk bazohemi tek individët , por tek forca në tërësi e grupit, ajo është arma jonë.
Ndërkohë që tekniku i Red Bull Salzburgut Oscar Garcia pranoi se e ka analizuar me detaje skuadrën e Partizanit, dhe pavarësisht se e vlerëson ekipin e kuq, objektivi mbetet fitorja në këtë përballje.
E kam studiuar Partizanin, kam ndjekur me vëmëndje të dyja ndeshjet ndaj Ferencvaroshit dhe mund të them se ka marrë informacionet e duhura. Kanë një skuadër të mirë, por objektivi ynë është vetëm fitorja, nuk zbresim në fushë për barazim. Kemi disa mungesa po besoj se do arrijmë ti mbulojmë me lementët e tjerë që disponon skuadra.
Kjo është hera e parë që Partizani merr pjesë në raundin e 3-të të UEFA Champions League, debutimin në këtë kompeticion klubi i kuq e ka rregjistruar në vitin 1963 përballë sudezëve të Norkoping.
