Refuzimi i opozitës për të dorëzuar emrat për në KZAZ-të e zgjedhjeve vendore, faktikisht e ka futur procesin në të njëjtën krizë si Kuvendi i Shqipërisë.
Për herë të parë opozita refuzon të marrë pjesë në një proces zgjedhor duke shpallur bojkotimin e tij.
Tashmë, Rilindja ka dy rrugëzgjidhje; e para, krijojë një qeveri tranzitore dhe të organizojë zgjedhje vendore dhe të përgjithshme në të njëjtën ditë. E dyta, të gjejë edhe në pushtetin vendorë kandidatë të “opozitës së re” dhe të sajojë një farsë, ku “opozita e emëruar” të fitojë ca bashki.
Si fjala vjen në Kamëz mund të fitonte shumë mirë Ylli Shehu, meqë e “besutën e votutën”.
Deri tani, kryeministri Edi Rama, njeriu me më shumë pushtet qysh pas Enver Hoxhës ka shprehur vullnetin për të bërë zgjedhje i vetëm, pra për të zgjedhur filozofinë politike të zotit Ylli Shehu.
