Edhe pse jemi në fushatë elektorale për zgjedhjet e 25 prillit, si rrallë herë Lulzim Basha ka bërë “meme” kryeministrin.
Edi Rama postoi një foto në Instagram duke “biseduar” me veten, ku kreu i qeverisë pyet veten se kur do të ikësh? Ndërsa përgjigja dihet “Jo, nuk kam mbaruar punë akoma” thotë kryesocialisti që objektiv ka PS-në në pushtet deri në 2030.
Nuk kaluan shumë minuta dhe kryedemokrati replikoi me të njëjtën foto duke ndryshuar diçiturën, ku sipas liderit të PD-së rivali i tij pyet veten; për kë do të votosh dhe në dëshirën e opozitarit, kryeministri zgjedh Lulzim Bashën, i cili e mbyll postimin me fjalët “Faleminderit për suportin”. Tani pritet përgjigja e Edi Ramës.
