Mediat greke raportojnë se ditën e sotme avionët luftarakë turq fluturuan mbi Panagia dhe Oinousses, territorin grek. Pas kërcënimit për luftë të Ankarasë mbrëmjen e djeshme, sot Turqia ka lëshuar avionët luftarakë “F-16” mbi Oinousses dhe ishullin Panagia, shkruajnë mediat në Athinë.
“Nga ora 13:32 deri në orën 13:52 të së hënës tre avionë F-16 turq, një çift dhe një vetëm, fluturuan mbi territorin grek në Oinousses dhe ishullin Panagia duke provokuar” shkruan “Protothema”.
Por cfarë ndodhi dje?
Një anëtar i komitetit qendror të partisë “AKP” të Erdoganit, Metin Kiulunk lëshoi kërcënime lufte kundër Athinës, duke thënë se “Greqia thotë se do të lëshojë raketa.
Le të shohim se çfarë ndodh. Pas 5 orësh do të jemi në Selanik. Për 5 orë do të jemi në Athinë. Çfarëdo që të bëjnë” tha ai.
Greqia nga ana e saj theksoi se “propaganda turke nuk bind askënd”.
