Takimi Meta-Basha nuk do ti ofrojë opozitës asgjë më shumë nga sa iu ofruar në takimin Rama-Basha. Me këtë qendrim janë shfaqur socialistët përmes zv.kryeministrit Niko Peleshi pas ftesës që kreu i Kuvendit i bëri për takim kreut të opozitës. Nga Korça Peleshi tha se shumica shpresonte në një reflektim të opozitës, që do të çonte në miratimin me konsensus të reformës.
Zv kryeministri Niko Peleshi ishte i pari ndër radhët e socialistëve që komentoi ftesën për takim që kreu i kuvendit Ilir Meta i bëri kryeopozitarit Lulzim Basha. Në pritje të përgjigjes së kryedemokratiti, Peleshi ka bërë të qartë se në këtë takim të dytë të dialogut politik, opozitës nuk do ti ofrohet asgjë më shumë se sa në takimin mes Edi Ramës dhe Lulzim Bashës
Niko Peleshi: “Nuk është çështje e vullnetit të Ramës apo Metës, është cështje e vullnetit të Bashës. Shpresojmë që këto ditë reflektimi ti kenë shërbyer Lulzim Bashës që pavarësisht kanalit të sjellë vullnetin e partisë së tij për tiu bashkuar PS-së, faktorit ndërkombëtar për të miratuar reformën.
Megjithatë Peleshi nënvizoi edhe një herë gatishmërinë e shumivës për një reformë konsensusle të drejtësisë Meriton të jetë një reformë e konsensusit të gjerë. Prandaj këmbëngulim dhe ndjejmë keqardhje” Këto deklarata numri dy i qeverisë i bëri pasi mori pjesë në festën e organizuar për 25-vjetorin e PS në Korçë.
