Rezoluta/ Sinjale negative nga Brukseli për hapjen e negociatave me Bashkimin Evpropian, problem edhe liria e medias
Zgjerimi i korrupsionit në arsim, shëndetësi dhe drejtësi, janë spicifikuar si pengesa kryesore e hapjes së negociatave të Shqipërisë me Bashkimin Evropian. Komisioni i Jashtëm i Parlamentit Evropian ka miratuar rezolutën për Shqipërinë, ku theksohet shqetësimi për korrupsionin në rritje në Shqipëri
“Komisioni i Jashtëm i Parlamentit Evropian mbetet i shqetësuar për zgjerimin e korrupsionit në arsim, shëndetësi, drejtësi dhe disa fusha të tjera. Shqetësim përbën edhe përhapja e vetëcensurës mes gazetarëve, të cilët ka raste që edhe pengohen fizikisht për ndjekjen e ngjarjeve specifike, sulmohen ose kërcënohen për shkak të punës së tyre”, theksohet në faqen zyrtare të Parlamentit Evropian.
Rezoluta mirëpret angazhimin e Shqipërisë në luftën kundër radikalizmit dhe terrorizmit dhe përshëndet vendin tonë për marrjen e masave për të parandaluar njerëzit që t’i bashkohen ISIS-it në Irak dhe Siri.
Rezoluta për Shqipërinë është aprovuar 47 vota pro, 3 kundër dhe 4 abstenime.
