Shpëtim Idrizi në garë me kandidatin tjetër Halil Hyseni. Zgjidhen edhe kryetarët e degëve dhe delegatët e Kongresit
Ka nisur rreth orës 08:00 votimi për kryetarin e PDIU-së dhe krerët e kësaj partie nëpër rrethe. Mbi 24 mijë anëtarë të PDIU-së zgjedhin sot me parimin “një anëtar një votë”, kryetarin, krerët e partisë në rrethe dhe delegatët e Kongresit. Në garë për postin e kryetarit të PDIU-së është Shpëtim Idrizi si dhe Halil Hyseni.
Votimi mbyllet në orën 18:00 ndërsa procesi do të ndiqet nga komisionet e ngritura, me nga 3 anëtarë.
Kryetari aktual i PDIU-së, Shpëtim Idrizi do të votojë në selinë qëndore të partisë. Anëtarët do të votojnë për kryetarin e PDIU-së, kryetarët e PDIU-së në nivel bashkie, si edhe për delegatët në Kongres, i cili do të mbahet në datën 4 qershor.
