Në një kohë kur PDIU rezulton 16 vota në avantazh, krahasuar me rezultatin e 25 qershorit, nënkryetarja e kësaj force politike, Mesila Doda i bëri thirrje opozitës që të bashkohen për të kërkuar rinumërimin e votave për të gjithë Qarkun e Tiranës.
“Deri tani asnje kuti votimi nuk ka te njejtin rezultat si ne procesverbale. I domosdoshem numerimi i gjithe Tiranes, kane futur duart ne votat e pavlefshme, kane pervetesuar e vjedhur sa kane mundur, kame shkaterruar gjithe procesin. I bej thirrje gjithe Frontit opozitar… Te kerkojme numerimin e gjithe Tiranes. Mandatet jane vjedhur e kane levizur ne tavoline.”, tha Doda në mesazhin e saj.
Ndërkohë kryetarit të PDIU-së, Shpëtim Idrizit i duhen 38 vota për të siguruar mandatin e tij të deputetit në qarkun e Tiranës, ndërsa është përballë PS-së ku i rrezikon mandatin e saj të 18-të.
