Idrizi: 27 qershori është dita e genocidit mbi shqiptarët e Çamërisë, një ditë padrejtësie dhe dhimbje për të gjithë shqiptarët
Kryetari i Partisë për Drejtësi Integrim dhe Unitet Shpëtim Idrizi shtroi një darkë iftari me rastin e muajit të shenjtë të Ramazanit në ditën që përkujton genocidin dhe terrorin grek kundër popullsisë shqiptare të Çamërisë. “Është dita e genocidit mbi shqiptarët e Çamërisë, një ditë padrejtësie dhe dhimbje për të gjithë shqiptarët sepse brenda një kohe të shkurtër u shfaros 20% e popullësisë dhe pjesa tjetër u deportua dhunshëm në anën tjetër të kufirit midis shqiptarëve. Ata nuk pranuan të ndryshonin kombësinë e tyre dhe nuk pranuan të ndryshonin besimet e tyre.
Në shenjë simbolike në çdo tavolinë ishte vendosur emri i një vendbanimi çam, ku shqiptarët janë masakruar e vrarë vetëm për kombësinë e fenë, ndaj edhe mesazhi i Idrizit ishte për drejtësi. “Çdo emër që ju keni aty nëpër tavolina fatkeqësisht është i larë me gjakun e shqiptarëve të pafajshëm dhe prandaj ne kërkojmë drejtësi sepse ne e dimë shumë mirë se drejtësia e Zotit vjen, paçka se mund të vonojë ajo midis nesh.
Ndërsa Myftiu i Tiranës, Ylli Gurra, lutjen e tij e shtriu për të gjithë shqiptarët. “Që ti shërbejmë në çdo moment dhe në çdo pëllëmbë këtij vendi të shenjtë dhe të shtrenjtë. Beko shqiptarë dhe shqiptare dhe të nesërmen e këtij kombi të mrekullueshëm”, tha Gurra.
Sofrës së iftarit të shtruar nga PDIU iu bashkuan përfaqësues të Qeverisë, deputetë të forcave të ndryshme politike, Ambasadorë e përfaqësues të trupit diplomatik, sikurse edhe përfaqësues të jetës social-kulturore e besimtarë të thjeshtë.
