Menjëherë pas deklaratave të anëtarit të KQZ, se PDIU nuk e merr mandatin në Tiranë, ka reaguar Partia Drejtësi Integrim dhe Unitet duke dënuar deklaratet e Bledar Skënderit që prononcohet pa dalë rezultatet e vetë KQZ.
Në një njoftim për mediat PDIU sqaron se po presin verifikimin e të gjithë procesverbaleve dhe rezultatin përfundimtar të KQZ, që ka 5 ditë që nuk i hedh të gjithë të dhënat në sistem.
Njoftimi i plotë
Anëtari i KQZ-së, Bledar Skënderi, deklaroi sot se PDIU nuk e merr mandatin në Tiranë për 0.1 përqind. Ky është rasti kur anëtari i KQZ sillet si militant partie, dhe jo si komisioner e administrator i procesit.
Ne po presim verifikimin e të gjithë procesverbaleve dhe rezultatin përfundimtar për të bërë me dije pozicionin tonë ligjor dhe në gjithë informacionet që ne kemi, ky është mandati i PDIU-së. Anëtari i KQZ nuk ka as durimin më minimal të presë dhe rezultatet zyrtare të vetē KQZ, që ka 5 ditë që nuk i hedh të gjithë të dhënat në sistem. Kemi pritur deri tani certifikimin e të dhënave sipas procesverbaleve, proces i cili ka nisur me korrektësi, sipas Kryetarit të KQZ. PDIU dënon deklaratet e anëtarit të KQZ që prononcohet pa dale rezultatet e vetë KQZ. I kujtojmë që është vendosur në atë post nga një parti politike, por për të administruar vetëm sipas Kodit Zgjedhor, votat e shqiptarëve. I bëjmë thirrje KQZ të mos sillet si trupë partiake, por si administratorë të betuar për administrimin e votave të shqiptarëve bazuar vetëm në Kodin Zgjedhor.
