Partia Demokratike e Shqipërisë thekson se opozita do takohet me ekspertët e Komisionit të Venecias me 10 shtator në orën 08:00 në ambientet e hotel “Rogener”, ndërsa përfaqësuesit nga radhët e PD dhe LSI-së janë dy ish-deputetët, Oerd Bylykbashi dhe Klajda Gjosha.
Përmes një njoftimi të shpërndarë për mediat, PD ka raportuar ditë më parë se delegacioni pritet të zbarkojë në Shqipërië nga data 9 deri më 11 shtator dhe do të ketë takime në Kuvend si dhe në Kryeministri.
“Lidhur me lajmin e mberritjes se eksperteve te Komisionit te Venecias ne Shqiperi, disa media, duke iu referuar nje axhende te paperditesuar, kane njoftuar se Komisioni i Venecias nuk do te takohet me opoziten. Ne te vertete, takimi me PD dhe LSI eshte planifikuar te jete ne 10 Shtator, ora 08.00, ne Rogner. Perfaqesues te opozites ne takim do te jene Oerd Bylykbashi dhe Klajda Gjosha”-njofton zyra e shtypit në PD.
