Partia Demokratike akuzoi sot kryeministrin Rama, se po i jep stadiumin “Qemal Stafa” bandave kriminale për të ndërtuar kulla dhe selitë e tyre. Kretari i departamentit të Rendit dhe Sigurisë në PD, Enkelejd Alibeaj tha se ky aneks i stadiumit nga administrata e bashkisë së Lulzim Bashës ishte parashikuar kend lojërash për fëmijë.
“Bëhet fjalë për këtë truall që shihni në foto, në zemër të Tiranës, që nga lulishte jo vetëm për banorët e zonës por për mbarë qytetarët, shndërrohet në kullë betoni, kullë përfitimi, kullë zhvatjeje e korrupsioni.
Siç është bërë publike, banda e Shullazit me Edi Ramën mori pronën dhe truallin më të çmuar në mes të Durrësit, godinën historike të hotel Vollgës. Tashmë, Edi Rama po planifikon të shërbejë Shullazin dhe një bandë tjetër, lidhjet me të cilën janë të vjetra për të, qysh se u bë për herë të parë kryetar bashkie, me këtë truall në qendër të Tiranës”, tha Alibeaj.
