Partia Demokratike deklaroi sot se qeveria i ka dhënë Sadri Abazi një tender pak ditë më parë prej 870 milionë lekësh për rikonstruksionin e bulevardit “Elez Isufi” në Dibër. Sipas demokratëve, në tender ishte përcaktuar si fitues ai dhe nipi i tij me firmën ALKI Impex.
Zhupa: Ankesat e tyre ligjore tek KPP e Edi Ramës, u hodhën poshtë me urdhër, sepse dihet që njeriu që vendos për çdo tender në vend, është vetë Edi Rama, i cili i ka kërkuar Sadriut të hidhet në sulm e të blejë sa më shumë vota në zgjedhjet në Dibër, ndaj dhe nuk ndalen tenderat për këtë oligark të rilindjes. 200 milionë lek më shumë se sa kushton puna, i jep Rama Sadriut, me të cilat mund të paguheshin në Dibër 1333 pensione në qytet, 2424 pensione në fshat, 2900 familje mund të merrnin pagesë mujore për papunësinë dhe 909 persona mund të përfitonin të punësuar me pagë minimale.
