PD-LSI gati të anullojnë seancën/ PS pranon të diskutojë për marrëveshjen

Njësoj si Petrit Vasili, edhe Edi Paloka pranoi se pa marrëveshje është e kotë të zhvillohet një seancë parlamentare. PD dhe LSI u bashkuan edhe në Konferencën e Kryetarëve për t’i kërkuar kreut të Komisionit të Posaçëm Parlamentar për Reformën në Drejtësi, Fatmir Xhafës të presë deri kur propozimi i Johanes Hahn të përkthehet në një draft ligjor, për të cilin bien dakord të treja palët. Pas presionit të deputetëve LSI dhe atyre të Partisë Demokratike, u ra dakort që palët te rinisin negociatat.