Reagon me urgjencë Kryetari i Kuvendit: E shqyrtojmë në seancën e parë të 28 janarit 2016
Grupi parlamentar i Partisë Demokratike, i ka dërguar një letër kryetarit të Kuvendit, ku kërkon që në seancën e së enjtes më datë 28 janar, të miratohet komisioni për reformën zgjedhore.
Në letrën drejtuar Metës, Grupi Parlamentar i Partisë Demorkatike vlerëson se ligji i ri i zgjedhjeve duhet të jetë në përputhje me angazhimet e OSBE-së dhe standardet e Këshillit të Evropës, si dhe me detyrimet dhe standardet e tjera ndërkombëtare për zgjedhje demokratike.
Partia Demokratike i ka kujtuar mazhorancës neglizhencën e qëllimshme për të reflektuar rekomandimet e OSBE/ODIHR pas zgjedhjeve të 23 qershorit.
PD ka kërkuar marrjen e masave të menjëhershme për të garantuar fillimin e punës së Komisionit të Posacëm Parlamentar për Reformën Zgjedhore, bazuar në një proces transparent, gjithëpërfshirës dhe konsensual.
I menjëhershëm ka qënë reagimi i kryetarit të kuvednit Ilir Meta, i cili ka garantuar deputetët e PD-së se më 28 janar 2016, do të shqyrtohet kërkesa e tyre për plotësim të vendeve vakante në Komisionin e Posaçëm për Reformën zgjedhore. “ Kryetari i Kuvendit shprehet se Reforma Zgjedhore duhet trajtuar me seriozitet dhe në përputhje me frymën e rekomandimeve të OSBE-ODIHR dhe të kryhet në kohën e duhur dhe transparencë të plotë.
