Partia Demokratike me anë të një rezolute të depozituar sot në Kuvend ka kërkuar dënimin e krimeve ndaj klerit shqiptar në periudhën e regjimit komunist.
Gjithashtu rezoluta shpreh mirënjohjen e veçantë për rolin dhe veprimtarinë e përfaqësuesve të klerit në mbrojtjen e vlerave demokratike dhe të drejtave e lirive themelore të njeriut.
Kjo nismë synon dhe nxitjen e hulumtimeve të mëtejshme nga studiues e akademikë për të zbardhur plotësisht krimet ndaj klerit, torturat, dënimet dhe ezkekutimet e tyre.
Partia Demokratike kërkon që kjo rezolutë të miratohet nga Kuvendi para datës 5 nëntor, kur Vatikani do të bëjë lumturimin e martirëve të klerit katolik.
