Deputetët e opozitës munguan në mbledhjen e Këshillit të Mandateve dhe të Rregullores
Partia Demokratike ka bojkotuar sot komisionin e Këshillit të Mandateve dhe Rregullores ku parashikohej të diskutohej propozimi i opozitës për Kodin e Etikës së deputetëve për të ndaluar fyerjet gjatë seancës plenare. Për shkak të mungesës së deputetëve të PD-së, mbledhja është shtyrë për një datë tjetër.
Kodi i Editës është një propozim i bërë nga Partia Demokratike e cila do të duhej të ishte e interesuar për të përshpejtuar procedurat për miratimin e saj. Por ka vendosur ta bojkotojë pa marrë parasysh rëndësinë e propozimit të vet.
Opozita ka vendosur pak ditë më parë, marrëdhënie të kushtëzuar më Parlamentin deri sa të plotësohen tri kërkesat e tyre nga mazhoranca. Të enjten që shkoi, mazhoranca miratoi me shumicë votash përfshirjen në rendine ditës të tri kërkesave të opozitës që lidhen me dekriminalizimin, kërkesë që u plotësua një javë më parë, çështjen e mandatit të deputetit Koço Kokëdhima e Rakip Suli si dhe çështjen e vetos në komisionet hetimore parlamentare.
