Nga Abedin Rakipi
I “panjerëzishëm” qirje Pavlopulos,
Fakti që një njeri arrin të dallojë të mirën nga e keqja, tregon superioritetin e tij intelektual ndaj të gjithë njerëzve të tjerë; por fakti që ai mund të veprojë keq tregon inferioritetin e shpirtit të tij.
Ju në të dyja rastet nuk e kaloni provimin, as të intelektit, as të humanizmit. Ju vuani nga inferioriteti intelektual ndaj çamëve dhe njëkohësisht tregoni inferioritetin e shpirtit tuaj pervers.
Sërish dërdëllisni përralla me çamë që na paskan qenë bashkëpunëtorë të nazizmit. Kemi vite që ju sfidojmë që të nxirrni të paktën qoftë një provë filmike apo fotografi, por sërish asgjë… Ndërkohë ne kemi dokumentuar me pamje filmike dhe fotografi bashkëpunimin e qindra ushtarakëve, politikanëve, apo priftërinjve grekë me nazistët… Ju pretendoni dhe shpifni, por provat janë kundër jush.
Sërish kërkoni zhdukjen e çamëve dhe kjo është një thirrje publike për gjenocid. Këtë e bëni në mënyrë institucionale dhe në festën kombëtare të shtetit që ka fatkeqësine t’ju ketë si president.
A thua Greqia është një shtet i ngritur mbi gjenocidin dhe shfarrosjen e shqiptarëve çamë dhe nuk mund të ekzistojë pa këtë mynxyrë?
Sërish vazhdoni me provokime dhe urrejtje ndaj shtetit shqiptar dhe çamëve në veçanti. Provokimi juaj është një shenjë dobësie, është prova e qartë e një inferioriteti racial, fetar dhe etnik…. Duket sikur Zoti ka ngjizur të gjitha komplekset e inferioritetit tek ju, duke filluar nga paaftësia juaj për të besuar te paqja dhe njerëzimi.
Kompeksi i inferioritetit që ju shprehni në emër të shtetit grek ndaj çamëve është fytyra e vërtetë e mizeries raciste që ju torturon sa herë që përmëndet emri “çam” apo “Çamëri”.
Ngjitja e racizmit dhe urrejtjes që ju ushqeni ndaj çamëve në nivelet më të larta shtëtërore në Greqi është prova e qartë që jo të gjithë janë të dashuruar më demokracinë. Prandaj, beteja finale ndërmjet jush dhe nesh nuk është betëja politike apo etnike mes çamëve dhe grekëve, por beteja mes njerëzve që e vlerësojnë lirinë dhe atyre që nuk e vlerësojnë.
Që prej vitit 1913 juve ju torturon akoma ankthi i të ndjerit fajtor në vetvete, edhe pse e fshihni atë dhe tentoni të justifikoni një gjenocid me përmasa madhore.
Po ju jeni gjenocidarë dhe vazhdoni të jeni të tillë më thirrjet tuaja në vitin 2019 për zhdukjen e çamëve. Por, zotëri harroni se të gjitha gjenocidet janë një humanocid. Në thelb, të gjitha vrasjet janë vetëvrasje. Prandaj ju ndiheni inferiorë ndaj çamëve, sepse përpara se të na vrisnit ne, keni vrarë humanen në vetvete.
Në fëmijërinë time me kujtesën e gjenocidit çam kisha marrë dhuratën më të bukur që mund të merrte një fëmijë. Trashëgova një vuajtje që nuk e kisha pësuar fizikisht, por që do ta mbaj në gjoks deri në vdekje dhe që pas meje do ta trashëgojnë fëmijët e mih, nëse drejtësia nuk vihet në vend… Por, të jesh çam sot do të thotë të jesh natyrshmërisht i fortë, sepse je një njeri që është i lidhur me një gjenocid, për të cilin nuk parashikohet kompensim.
Të gjitha këto mizoritë u kryen kundër çamëve, ndërkohë që ata nuk kishin bërë asgjë për t’i merituar.
Qirje Pavlopulos, kur shpirtrat mbeten të mbyllur, ata bëhen kultivues gjenocidalë nga korrjet e urrejtjeve të tyre.
Racizmi juaj nuk është opinion, por krim. Racizmi juaj është shkencërisht një formë psikopatie dhe ju jeni trashëgimtar i këtij racizmi dhe fashizmi që prej vitit 1821 qirje Pavlopulos.
Kurse ne çamët kemi detyrën fisnike ta luftojmë fashizmin dhe nazizmin tuaj psikopatesk, derisa të mbetet gjallë çami i fundit… Për këtë mos dyshoni aspak… Ne jemi krenarë për këtë, sepse të luftosh racizmin, fashizmin dhe diskriminimin, është të mbrosh vlerat që mbajnë gjallë njerëzimin qirje Pavlopulos.
Edhe pas kryerjes së gjenocidit mbi civilët dhe deportimit të të mbijetuarve çamë, edhe pas luftës së pamëshirshme që i bëni popullit çam në territorin e shtetit shqiptar që prej vitit 1944, sërish slogani kryesor i politikës greke sot është: “Pa çamë, nuk do të ketë më Çështje Çame.”
Duket sikur në sloganet tuaja Çamëria po jep shpirt. Por, ajo do të rilindë. Gjaku i paktë që i mbetet asaj është një gjak i çmuar, nga i cili do të shfaqen pasardhës heroikë. Një popull që nuk dëshiron të vdesë nuk vdes qirje Pavlopulos.
Ne jemi populli i Tokës së Premtuar qirje Pavlopulos, e dimë se duhet të kalojmë shkretëtirën përpara se të arrijmë në Tokën e Shenjtë. Edhe në qoftë se për këtë do të na duheshin 3000 vjet… Atje ku arrin fuqia jonë shpirtërore nuk arrin as imagjinata juaj.
Pikërisht, kjo ju bën ju të ndiheni inferiorë ndaj çamëve.
