Deputeti demokrat propozon reformë të thellë kushtetuese e cila përfshin edhe reformën në drejtësi
“Rithemelimi i Republikës është një emergjencë kombëtare”, kjo është thirrja e përsëritur e deputeti demokrat Astrit Patozi, i cili propozon një reformë të plotë kushtetuese, përfshi edhe reformën në drejtësi.
“Mendoj se vetëm një reflektim i thellë i klasës politike do të ishte zgjidhja. Pas këtij rrënimi moral, kam bindjen e plotë se nevoja për rithemelimin e republikës është kthyer në një emergjencë kombëtare. Na duhet reformë e plotë kushtetuese, që të nisë me ligjin e ri elektoral, e cila përfshin natyrisht dhe reformën e famshme të drejtësisë, si kapitull të rëndësishëm të saj”, tha Patozi.
Një kontratë re sociale thekson Patozi e cila nis me zgjehdjet e përgjithshme dhe ato vendore për të pastuar politikën nga krimi. “Le të ulemi që sot për një kontratë të re sociale, sepse nuk mund ta zvarritet kaq pafundësisht tranzicioni i këtij vendi. Le ta fillojmë me zgjedhjet, sepse ato janë themeli i cdo shoqërie demokratike. Sepse aty i kemi rrënjët e cdo infeksioni, edhe këtë vërshim të krimit në politikë dhe në administratë, për shkak të zgjedhjeve të deformuara e kemi peshqesh. Sepse të fortët, që kanë adhur në parlament dhe sundojnë cifligje të tëra territoresh në bashkitë e reja të Shqipërisë, janë thirrur nën armë pikërisht për të rrëmbyer votat, me dhunë dhe me para të pista. Të ndahemi me vullnet të qartë nga kjo shëmti e frikshme, që na ka shndërruar në një shtet qesharak, i cili shërben si anekdotë për botën, si shembulli që nuk duhet ndjekur”, tha Patozi.
