Pas Zaev, drejt dorëheqjes e gjithë qeveria e Maqedonisë së Veriut

MAQEDONI E VERIUT- Dorëheqja e mbrëmshme e kryeministrit Zoran Zaev në Maqedoninë e Veriut nënkupton në fakt dorëheqjen e gjithë kabinetit Qeveritar. Kjo sepse sipas nenit 93 të Kushtetutës së Maqedonisë së Veriut, Zaev duhet të njogtoje me shkrim kryetarin e Kuvendit, e më pas do teë nisë procedura për zgjedhjen e Qeverisë së re.

Sipas Telegraf, neni 93 i Kushtetutës së Maqedonisë thotë se: Dorëheqja e kryeministrit, vdekja e tij ose ndërprerja e përhershme në kryerjen e detyrave të tij, sjell dorëheqjen e Qeverisë. Qeveria ndaj të cilës është votuar votëbesimi, ka dhënë dorëheqje ose mandati i së cilës është ndërprerë për shkak të shpërndarjes së Kuvendit, qëndron në detyrë deri në zgjedhjen e qeverisë së re”.

Pra, zyrtarisht dhe ligjërisht, Kryeministri dhe qeveria aktuale vazhdojnë të punojnë derisa presidenti i shtetit t’ia ndajë mandatin për përbërjen e Qeverisë kandidatit të partisë, pra partive që kanë shumicën në Kuvend. Më pas, i zgjedhuri i ri për kryeministër, në afat prej 20 ditësh nga dita e marrjes së mandatit, duhet të paraqesë programin në Kuvend dhe të propozojë përbërjen e Qeverisë së re.

Pas rezultateve të djeshme të raundit të dytë të zgjedhjeve lokale dhe humbjes bindëse të kandidatëve të LSDM-së, Zoran Zaev dha dorëheqje si nga posti i kryeministrit ashtu edhe nga kryesia e LSDM-së. Megjithatë, ai shtoi se shumica parlamentare është e qënrueshme dhe se mandati për përbërjen e qeverisë së re mbetet në duart e LSDM-së. Ai tha se mandati katërvjeçar i koalicionit me BDI-në duhet të përfundojë. Nuk ka nevojë për zgjedhje të parakohshme parlamentare, sipas tij. Krerët e partive opozitare nga ana tjetër gjatë fushatës parazgjedhore kanë njoftuar shumicë të re parlamentare, qeveri të re dhe zgjedhje të parakohshme parlamentare.