Pas vizitës në Tiranë, Oliver Varhelyi, Komisioneri i Bashkimit Evropian për Fqinjësi dhe Zgjerim, ka njoftuar se një anëtar i stafit të tij ka rezultuar pozitiv në testin e koronavirusit.
Me anë të një statusi në Twitter, Varhelyi shprehet se ai vetë ndihet mirë, nuk ka simptoma, por do të vetëizolohet.
“Jam informuar sot se një anëtar i ekipit tim ka dalë pozitiv në testin e koronavirusit.
Në pritje të rezultateve të reja të testit, unë dhe ekipi im jemi vetë-izoluar në përputhje me udhëzimet e shëndetit publik. Ndihem mirë, nuk kam simptoma, testet e mia gjatë javës së kaluar ishin negative. Qëndroni të sigurtë!”,- shkruan Varhelyi.
I was informed today that a member of my team tested positive for #COVID19. Pending new test results, myself&team members concerned are self-isolating in line with public health guidelines&teleworking. I feel well, have no symptoms, my tests in past week were negative. Stay safe!
— Oliver Varhelyi (@OliverVarhelyi) October 11, 2020
