Mbyllja e TikTok në SHBA nga presidenti Donald Trump është një nga temat kryesore në mediat ndërkombëtare.
Për shkak të shqetësimeve të sigurisë dhe rrezikut të cënimit të të dhënave private, Trump urdhëroi ndalimin në SHBA të dy aplikacioneve kineze, TikTok dhe WeChat.
Sipas këtij urdhri, kompanitë amerikane ndalohen të bëjnë biznes me kompaninë ByteDance, që ka në zotërim aplikacionin e videove TikTok, si dhe me firmën Tencent, që ka aplikacionin WeChat, i cili përdoret për mesazhe dhe pagesat online.
Urdhrat hyjnë në fuqi Brenda 45 ditëve. Dy kompanitë kanë thënë se nuk i ndajnë të dhënat e përdoruesve me qeverinë kineze. Sipas analistëve, pritet që Kina të kundërpërgjigjet.
