PDIU: Nuk do të lejojmë ngritjen e asnjë varri grek në Shqipëri pa u ndërtuar varret e çamëve në Greqi
Përfaqësues të “Agimit të Artë” dhe shoqatave ekstremiste greke kanë kërkuar që në Shqipëri të ndërtohen 8 mijë varre të ushtarëve grekë. Kjo kërkesë ju adresua shtetit shqiptar gjatë aktivitetit të JO-së greke të mbajtur në Manastirin e Këlcyrës. I pranishëm në takim, ish-nënkryetari i Parlamentit grek, aktualisht Kreu i Shoqatës së Familjarëve të Ushtarëve Greke, Jorgos Surlas, tha se shpreson në një zgjidhje me qeverinë shqiptare, për këtë çështje.
Jorgos Surlas e përforcoi këtë kërkesë pas takimit që pati në Athinë me kryetarin e Kuvendit, Ilir Meta.
Në Këlcyrë në meshën e mbajtur me këtë rast, ishin të pranishëm ambasadorja greke në Shqipëri Elenis Sourani, kryetari i PBDNJ Vangjel Dule, konsulli grek në Gjirokastër, familjarë të ushtarëve të rënë përfaqësues të lartë të partisë “Agimi i Artë”.
Kjo kërkesë greke, vështirë se do të gjejë zgjidhje, pasi edhe më herët nënkryetari i Kuvendit, Shpëtim Idrizi dhe Partia për Drejtësi Integrim dhe Unitet janë betuar që nuk do të lejojnë ngritjen e asnjë varri grek në Shqipëri pa u ndërtuar varret e shqiptarëve të Çamërisë në Greqi, viktima të genocidit të Napoleon Zervas.
Takimi sekret i Ilir Metës me ekstremistin grek Jorgos Surlas
