Pas takimit me kryetarët në rrethe për organizimin e protestës, kryedemokrati Lulzim Basha, tha se PD mbetet e vendosur për ti prirë revoltës popullore për drejtësi të vërtetë dhe jo drejtësi fasadë.
Sipas Bashës, protesta është në mbrojtje të demokracisë, kundër kapjes politike të drejtësisë nga Edi Rama.
Takimi i Bashës me krerët e PD-së në rrethe vjen pas takimit që kryedemokrati pati me ambasadorin amerikan Donald Lu.
Më herët në njoftimin e shpërndarë për mediat nga zyra e shtypit të PD thuhet se “Basha i përcolli ambasadorit amerikan Donald Lu kundërshtimin e prerë të Partisë Demokratike për zgjedhjen antikushtetuese të një Prokurori të Përgjithshëm të Përkohshëm”.
