Pas stuhisë detare të natës së kaluar, mbetjet kanë mbuluar një pjesë të bregdetit të Durrësit.
Përgjatë shëtitores “Taulantia” dhe plazhit të Currilave shihen shumë mbetje plastike, shiringa te përdorura dhe ambalazhe medikamentesh.
Përqendrimi i lartë i banorëve dhe aktiviteteve ekonomike buzë lumenjve dhe Adriatikut ka rritur ndjeshëm edhe ndotjen detare. Sipas ekspertëve, plastikat duan shumë dekada për të degraduar, ndërsa çlirojnë kimikate mjaft të dëmshme duke dëmtuar florën dhe faunën detare, si dhe cilësinë e plazheve tona.
