Pas përmbytjeve, sasi të mëdha mbeturinash janë shpërndarë gjatë bregdetit të Durrësit, kryesisht në veri të qytetit, në plazhin nga currilat deri në Kepin e Rodonit.
Prurjet e jashtëzakonshme të lumit Ishëm dhe Erzen kanë risjellë edhe një herë në pah problematiken e madhe të mbetjeve urbane që në raste përmbytjesh shoqërohen me ndotje masive të bregdetit.
Në bregdetin e Durrësit për shkak të ndryshimit të erës ka dalë një sasi e madhe e mbetjeve që kanë sjell këta lumenj nga përmbytjet, ndërkohë institucionet vendore po vlerësojnë situatën alarmante.
Nuk dihet nëse do të ketë ndonjë ndërhyrje për pastrimin e bregdetit, pasi nuk ka struktura të specializuara për menaxhimin e situatave të tilla.
