Shumë të dënuar në burgun e Rrogozhinës janë futur në grevë urie duke iu bashkuar të dënuarve të tjera në burgjet e Peqinit, Reçit, Shënkollit dhe Burrelit.
Disa të dënuar kanë refuzuar ushqimin pavarësisht paralajmërimeve nga drejtuesit e burgut se do të izolohen nëse hyjnë në grevë, ndërkohë këta të fundit mohojnë të ketë grevë.
Në një letër drejtuar institucioneve përkatëse edhe medias, të dënuarit listojnë një sërë kërkesash që duan t’u plotësohen. Ata kërkojnë amnisti gjithëpërfshirëse 5-vjeçare, pa asnjë kriter.
Ndërsa thonë se burgimi i përjetshëm duhet të përcaktohet dhe të jetë 20 vjet si në vendet e Bashkimit Europian, si dhe të aplikohet lirimi me kusht, pasi të kryejnë 3/5 e dënimit. Regjimin e posaçëm “41 bis” e konsiderojnë një shkelje të të drejtave.
