Mediat greke kanë përgënjeshtruar lajmin se ministrja shqiptare e Mbrojtjes, Mimi Kodheli ka punuar si balerinë në lokalet e natës në Greqi.
Militaire.gr ka botuar sot përgënjeshtrimin e saj lidhur me artikullin e publikuar disa muaj më parë duke e shoqëruar dhe me një kërkesë për falje.
Në artikull shkruhet se Kopdheli jo vetëm që nuk ishte balerinë në lokalet e natës, por në atë kohë nuk ka qenë fare në Greqi.
Ministrja Kodheli prej muajsh ka ngritur padi për dy mediat greke militaire.gr dhe makeleio.gr për përfaqësimin në procesin penal dhe civil ndaj dy ëeb-ve dhe pronarëve të tyre.
Postimi i plotë i Militaire.gr
“Militaire.gr dhe Paris Karvounopoulos përgënjeshtron artikullin “Ministrja shqiptare e Mbrojtjes Mimi Kodheli, qendrimi i saj ne Greqi dhe çfarë nuk duhet të harrojë”.
Më date 12/08/2016, është postuar në ëebsitin tonë artikulli i Z. Pari Karvounopoulou me titull :”Ministrja shqiptare e Mbrojtjes Mimi Kodheli, qëndrimi i saj në Greqi dhe çfarë nuk duhet të harrojë”. Ky artikull, për shkak të mos verifikimit të së vërtetës, përmbante referenca të rreme ndaj znj. Mimi Kodheli, Ministër i Mbrojtjes së Shqipërisë, referenca të cilat e dëmtuan figurën dhe reputacionin e saj. Zonja Kodheli jo vetëm që nuk ka qenë kurrë valltare në një klub nate në Sygrou, por gjithashtu në periudhën përkatëse as ka jetuar në Greqi. Për më tepër, Kodheli kurrë nuk ka shprehur mbështetjen e saj për nazistët, qoftë kjo permes deklarateve publike apo atyre private.
Zonja Kodheli jo vetëm që nuk ka qenë një balerinë natë në një klub në Syngrou, por as nuk ka jetuar asnjëherë në Greqi. Faqja e internetit www.militaire.gr dhe kolumnisti i artikullit të mësipërm janë të angazhuar që tani e tutje që të kryejnë më me kujdes detyrën e tyre për të publikuar të vërtetën dhe për të kontrolluar tërësisht të dhënat dhe burimet e tyre para se të bëjnë publikime për znj. Kodheli”.
Kujtojmë Ministrja Kodheli prej muajsh ka ngritur padi penale dhe civile ndaj dy mediave greke militaire.gr dhe makeleio.gr dhe ka dhënë prokurë përfaqësimi për avokatët Christos Ziogas dhe Christos Thanasopoulos pranë zyrës avokatore, “Ziogas, Thanasopoulis and Associates” për përfaqësimin në procesin penal dhe civil ndaj dy ëeb-ve dhe pronarëve të tyre.
