Presidenti i vendit Ilir Meta ka nisur pushimet e tij në malet e Shqipërisë.
Në një video të postuar mëngjesin e sotëm në rrjetet sociale, Meta dallohet teksa ndjek aktivitetin sportiv të ecjes nëpër përrenjtë me ujë borë.
Në pritje të një reflektimi nga ana e palëve politike, për të gjetur një zgjidhje për krizën, presidenti Meta shprehet se ata që zotohen si të paanshëm, janë edhe më të anshëm se kryeministri Rama.
https://www.facebook.com/ilirmetazyrtar/videos/418132678797083/?v=418132678797083
Postimi i Metës:
Mirëmëngjes të dashur miq!
Pas një terapie me ujë bore, më lindi një pyetje që dua ta ndaj me ju, dhe që u drejtohet atyre të cilët bëjnë si të paanshëm, pasi kanë shkëlqyer me njëanshmërinë e tyre, duke ia kaluar dhe Kryeministrit tonë, i cili në fund të fundit përfaqëson një anë politike: Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar?
Kaq të domosdoshëm e keni dështimin e çeljes së negociatave për vendin tonë në 18 tetor?
Ju uroj një fundjavë të mbarë!
