Ditën e sotme është mbyllur kopshti “10 Korriku” në Berat. Pas konfirmimit pozitive të një edukatoreje 5-ditë më parë, ka rezultuar e infektuar edhe sanitarja e kopshtit. Sanitarja e kishte kryer tamponin menjëherë pas konfirmimit pozitive të edukatores, duke rezultuar edhe ajo e infektuar.
Drejtoria e Shëndetit Publik Berat ka vendosur mbylljen për një afat të papërcaktuar të kopshtit më të madh në qendër të qytetit, pas kryerjes së dezinfektimit të të gjitha ambienteve të brendshme e të jashtme të tij.
Mjekët epidemiologë në Berat konfirmojnë se i gjithë stafi i kopshtit dhe fëmijët janë karantinuar dhe do t’i nënshtrohen tamponit. Deri tani në qarkun e Beratit vijojnë të jenë aktive 135 raste me koronavirus, ndërkohë që ka pasur edhe 5 vdekje që prej fillimit të pandemisë.
