Pas 13 vitesh me Manchester United-it, Rooney i jep lamtumirën ˝Old Trafford˝. Skuadra e Evertonit ka zyrtarizuar blerjen e ish- kapitenit të ˝Djajve të Kuq˝ në Goodison Park për vetëm 10 milionë £.
Ronald Koeman,trajneri i Evertonit ka në duart e tij një futbollist me mentalitet fitues. ˝Wayne më ka shfaqur ambicje për sukses dhe ne kemi nevojë për këtë mentalitet fitues.Jam shumë i lumtur që ai është sërish me ne˝, shprehet ish-lojtari i Barcelonës dhe kombëtares së Hollandës.
Në harkun kohor të 13 viteve, Rooney fitoi 5 tituj të Premier League, tre Kupa të Ligës Angleze, trofeun e Ligës së Kampioneve në vitin 2008 dhe Botërorin e Klubeve, ku u shpall dhe lojtari më i mirë.
