Partizani arriti një fitore të rëndësishme ditën e sotme, përballë Kamzës në kryeqytet. Sfida u vendos vetëm në pjesën e parë, me golat e shpejtë që erdhën që brenda 25 minutave të para.
Golin e parë e shënoi Asani, i cili pas një ngatërrese të portierit Gjonikaj, doli i vetëm me portën dhe shënoi qetësisht. Ishte po Asani, që pas një aksioni model të demave, shënoi edhe të dytin. Për miqtë ngushtoi shifrat Plaku, menjëherë pas golit të dytë të Asanit, por vetëm kaq.
Partizani arriti kështu një fitore në ditën e ditëlindjes së 72-të, dhe me këto tri pikë, arriti të parakalonte Kamzën në renditje.
