Për “Demat” ky ishte vërtetë një vit i shkëlqyer. Vazhdojnë të jenë në garë për titullin kampion, ndërkohë që e kanë siguruar një vend në “Europa League” për sezonin e ardhshëm. Dhe gjithçka e kanë bërë në fushën e lojës, duke konceptuar një skuadër të ngjashme për nga mënyra e lojës, me atë që ka qenë fituese që nga dita e themelimit. Dhe duket se historia e suksesit të ri është kthyer në filozofi. Drejtori i klubit të kuq, Dritan Dervishi, nuk shquhet vetëm për polemika me këdo që i cënon punën, por edhe për ide. Së fundi po punohet për rinovimin e kontratës së futbollistëve kryesorë të ekipit të tanishëm, duke filluar nga Xhevahir Sukaj, i cili deri tani thuhet se paguhet me bonuse, në funksion të golave që shënon. Meqenëse një pjesë e tyre ka qenë me vlerën e tri pikëve dhe ka ndikuar direkt në pozicionin e tanishëm të Partizanit një tabelën e klasifikimit, titullarët kanë menduar t’i ofrojnë një kontratë më serioze. Veç kësaj, Xhevahiri e ka ndjerë veten pjesë të familjes që nga mbërritja dhe një gjë të tillë jo vetëm që e ka shprehur publikisht, por edhe në seancat stërvitore, si në foton e mësipërme, kur vijon përgatitjet nën shoqërinë e së bijës.
Sot dueli me çekët, formacioni i mundshëm i Kombëtares/ Presidenti Duka apel tifozëve në stadium: Le të tregojmë qytetari
Sot në mbrëmje, gjithë vëmendja është në Arenën Kombëtare aty ku Shqipëria do të përballet me Republikën Ceke. Edhe në...
