Partia Demokratike ka publikuar një video në faqen e saj në Facebook, ku ka provuar sipas saj që në zgjedhjet e 25 prillit është bërë një masakër elektorale.
PD-ja pretendon se në zgjedhjet parlamentare bandat janë ndihmuar nga pushteti për të vjedhur dhe blerë rezultatet e zgjedhjeve të 25 prillit.
Në këtë video ata publikojnë mesazhe që janë dërguar në një grup ëhatsapp-i, të krijuar nga ministrja Belinda Balluku ka ngritur me vartës të saj, që merren me dhënien e legalizimeve në këmbim të votave.
PD deklaron se Këto prova janë vënë në dispozicion të Prokurorisë prej datës 12 Prill dhe ajo deri në këtë moment nuk ka vepruar.
“Çdo ditë dalin në pah fakte, prova dhe dëshmi të veprimeve të Ramës-Doshit dhe bandave të tyre për të vjedhur zgjedhjet. Ato faktojnë masakrën zgjedhore. Këto prova janë vënë në dispozicion të Prokurorisë prej datës 12 Prill dhe ajo deri në këtë moment nuk ka vepruar.
Grupi i hapur me urdhër të Belinda Ballukut dhe i drejtuar nga këshilltarja e saj, në Kabinetin e Ministrit, Laureta Omeri ekzekuton prej më shumë se një muaj skemën e blerjes së votave, duke legalizuar banesa në këmbim të votave.
Ne do të luftojmë me gjithë fuqinë dhe besimin e madh që qytetarët na dhanë në këto zgjedhje, që ta rrëzojmë regjimin Rama-Doshi”, deklaron PD.
Më herët, Gazment Bardhi doli në një deklaratë për shtyp duke denoncuar ministren Belinda Balluku, në lidhje me këto mesazhe që janë dërguar për të marrë në këmbim vota.
