Festimet për fitoren e Francës kundër Belgjikës në Shën Pjetërburg dolën jashtë kontrolli.
Turma në Champs Elysee u përlesh me policinë, duke i goditur me gurë e sende të forta. Policia u përgjigj me gaz lotsjellës, ndërkohë që u shkatërruan makina civilësh e të policisë.
Një nga dëshmitarët tha se kishte plot nga turma që përpiqeshin t’u vinin zjarre koshave të plehrave e të bllokonin rrugën.
“Policia u përmbajt sa mundi”, shton ai, “por teksa turma po dilte gjithnjë e më shumë jashtë kontrolli, agjentët ndërhynë për t’i shpërndarë.”
