Nga Dritan Kaba
2 marsi i vitit të kaluar tregoi që populli i mbështet parimet dhe njeriun që lufton për to pa asnjë ekuivok!
Parimet janë ato që mund të ndryshojnë gjendjen e mjerë ku ndodhet sot demokracia dhe ekonomia.
Ku ndodhet sot Shqipëria!
Mungesa e qeverisjes në bazë të parimeve dhe ligjit kanë bërë që qytetarët të zhgënjehen dhe çdo shkelje e ligjit dhe Kushtetute të duket mëse normale. Parimet. Rilindja, i ka zëvendësuar me arrogancën, korrupsionin, tenderat “sekrete”, më të “fortët” e bandave kriminale që manipulojnë viten dhe kërcënojnë votuesin.
Motojo e Rilindjes është më mirë një bandit, se një parim demokratik.
Mungesa e parimeve ka bërë që Rinia, shtresa e mesme dhe një pjesë e mire e fuqisë së kualifikuar për punë të largohet nga vendi, duke e varfëruar atë jo vetëm ekonomikisht por edhe intelektualisht.
Mungesa e parimeve ka bërë që çdo skandal të shuhet nga një skandal që e pason atë duke qenë edhe më i madh.
Mungesa e parimeve nuk e zhvillon dot vendin dhe bën të normalizohet korrupsioni, të bëhet jetësor krimi i organizuar, ku në mungesë të parimeve palaçot politike as nuk skuqen as nuk zverdhet kur ndërrojnë partitë apo krahët si filxhanët e kafeve. Pikërisht mungesa e parimeve bën që mediat të blihen e të ndërrojnë vijën editoriale sipas koncensionit të radhës, lejes së ndërtimit që po pret apo tenderit të premtuar.
Mungesa e parimeve sjell atë që në shoqëri vlerësohen “birat e kurvave” dhe qesendisën të vërtetët. Ata që nuk shiten apo blihen.
Mungesa e parimeve ka bërë që të rinjtë të largohen nga vendi se kanë dy rrugë apo të bëhen me BMW, duke u bërë ushtarë të krimit ose të emigrojnë. Të rinjtë që kanë vlera, që e duan punën, që vlerësojnë veten, që nuk mund të bëhen dot ushtarë të karteleve apo skllëver modernë zgjedhin të ikin nga vendi. Vetëm një vend me parime dhe një qeverisje e tillë i bën të rinjtë të mos largohen apo edhe që i frymezon të kthehen.
Ndaj 25 prillin e shoh si përballje të parimeve dhe ligjishmërisë ndaj pajtueshmërisë me të keqen.
E kam thënë edhe nuk do lodhem ta them deri ditën e zgjedhjeve: 25 prilli nuk është çështje të zgjedhësh mes taksash apo programesh, por të zgjedhësh në do të ndahesh nga e keqja, për të bërë të mundur ndërtimin e një shteti normal.
