Presidenti i vendit Ilir Meta reagon për ngërçin e krijuar në Gjykatën Kushtetuese, duke paralajmëruar shpërndarjen e parlamentit me vetëm një dekret.
Meta tha se një bandë uzurpatorësh po përdhosin Kushtetutën prej dy vitesh.
Kreu i shtetit u shpreh se në momentin e duhur do i drejtohet popullit dhe gjithë botës në mbrojtje të demokracisë.
“Pavarësisht nga deformimet e pandershme, kam një parlajmërim të fundit për të gjitha ata që betimin para Metës e shikojnë si një proces formal. Nuk ka institucion më të rëndësisshëm sesa Kushtetuta e Republikës së Shqipërisë. Përpjekjet për të dhunuar Kushtetutën, me kapjen e gjykatës Kushtetuese janë të dështuara, janë të vdekura, është insticuioni më i rëndësishëm i vendit. Parlamenti me një dekret shpërndahet. Edhe nëse dikush mendon se angazhimet e mia ka qenë ceremoniale, kjo në fund të fundit është Kushtetutë që po mbron njerëzit. Jam shumë i qartë secili të vazhdojë me kometencat e veta. Presidenti do i drejtohet popullit dhe gjithë botës. Iu uroj punë të mbarë të gjithë anëtarëve të Gjykatës Kushtetuese. “, u shpreh Meta.
