Në vitin 2015 fitimi i sektorit bankar u rrit në 112 milion euro
Mund të duket paradoksale por sa më shumë që ekonomia po e vuan krizën aq më me fitim del sektori bankar. Sipas Agjencisë së Sigurimit të Depozitave, në vitin 2015 bankat regjistruan një fitim rekord rreth 112 milionë euro, ose 33 milionë euro më shumë se fitimi i vitit 2014. Duket se bankat ja kanë dalë më së miri të shfrytëzojnë situatën ekonomike në favor të tyre. Pamundësia për të investuar dikund tjetër ka bërë që depozitat bankare të jenë në lulëzim. Kjo është mbështetur edhe masat e marra nga Banka e Shqipërisë e cila gjatë 2 viteve ka ulur 14 herë normën e interesit. Bankat i kanë rritur fitimet pikërisht nga ky operacion i kushtëzuar nga situata ekonomike e vendit. Por ekpertë dhe institucione të specializuara kanë mendimin se bankat po abuzojnë me këtë situatë. Madje Autoriteti I Konkurencës ka hapur një hetim për sjellje abusive të bankave në treg.
