Papa Françesku gjatë fjalimit të përjavshëm tij të së Dielës në Sheshin e Shën Pjetrit, foli edhe për shndërrimin e muzeut Shën Sophia në një xhami, muze që dikur ka qënë kishë.
Në një fjalim të shkurtër me rastin e Ditës Ndërkombëtare për Mbrojtjen e Detit, Papa Françesku theksoi: Deti shkon përtej mendimeve të mia, shkon në Kostandinopojë dhe te Shën Sofia. Kam një dhimbje të madhe.
Edhe Ministri i Jashtëm Grek, Nikos Dendias ka reaguar ashpër pas vendimit që ka marrë Gjykata e Lartë në Stamboll, e cila ka vendosur të rrëzojë statusin “muze” të Shën Sofisë, duke i hapur rrugën kthimi të saj në Xhami.
“Atje, Greqia do t’i kërkojë Bashkimit Evropian të ketë një listë të masave shumë të forta kundër Turqisë, në rast se Turqia shkel të drejtat sovrane të Greqisë. Për këtë çështje, duhet të ketë një iniciativë të Unesco-s dhe të Kombeve të Bashkuara, jo vetëm të Greqisë. Erdogan është në krye të asaj që po ndodh.Kjo i kthen shpinën bashkësisë ndërkombëtare dhe rregullave të saj. Evropa duhet të kuptojë se duhet të marrë një pozicion të shpejtë për të parandaluar, sepse nëse nuk parandalon, nuk do t’u pëlqejë ajo që do të ndodhë”, është shprehur Dendias.
