Pa praninë e opozitës, mazhoranca ka votuar sot Kodin e sjelljes së deputetëve. Ky kod është miratuar me 74 vota pro, dhe asnjë kundër.
Pjesën më të madhe të diskutimeve në Kuvend gjatë seancës së sotme e ka marrë fjala e kryeministrit Rama, i cili njoftoi një tërheqje të përkohshme nga tarifa në Rrugën e Kombit.
Mirëpo gjatë seancës së sotme ka pasur dhe një përplasje mes ministrit Pandeli Majko dhe deputetëve socialistë. Shkak për këtë është bërë një amendament i bërë nga Adnor Shameti për rregullimin e një neni dhe që u mbështet nga ministri i Diasporës, Pandeli Majko, por që ka hasur në kundërshtimet e grupit parlamentar.
Fillimisht Mimi Kodheli e më pas Taulant Balla kanë kundërshtuar amendamentin me argumentin se nuk kishte ardhur në kohë, duke kërkuar që të rrëzohet. Në votim 74 vota kanë qenë pro ligjit të ardhur nga qeveria dhe 1 votë kundër.
Pikërisht rrëzimi i këtij amandamenti ka bërë që ministri i diasporës Majko të përplasë karrigen dhe të largohet i irrituar nga salla. Majko është shprehur: Kjo është ironike, kjo është ironike mo…
Pandeli Majko acarohet me të tijët, përplas karrigen dhe largohet nga salla e Kuvendit
