Ditën e sotme një shqiptar humbi jetën në Gjermani, pas një sherri me thika me dy persona të tjerë. Ngjarja e rëndë mësohet se ka ndodhur në Harburg.
Gjithashtu, lidhur me ngjarjen kanë dal pamjet tronditëse kur ekipet e emergjencës përpiqen që të shpëtojnë 24-vjeçarin shqiptar. Nga ana tjetër, ai është dërguar menjëherë në spital, por edhe pse u fut në operacion nuk u mbijetoi dot plagëve të rënda në pjesën e sipërme të trupit.
Mësohet se shqiptari ishte përplasur me një 36-vjeçar nga Maqedonia. Ky i fundit shoqërohej me një 51-vjeçar. Të dy bashkë sulmuan shqiptarin, i cili reagoi duke i plagosur edhe ata, por jashtë rrezikut për jetën.
Dy agresorët janë arrestuar, ndërsa policia raporton se nuk e di motivin e ngjarjes. Forcat e rendit u lajmëruan nga dëshmitarët e tmerruar, që panë përplasjen mes tyre. Fillimisht mes tyre kishte një sherr verbal, më pas nxorën thikat.
