Raportimet e mediave ndërkombëtare nga vija e parë e frontit në Ukrainësn lindore, tregojnë luftime të ashpra e bombardime intensive mes forcave ruse dhe atyre ukrainase, sidomos javën e fundit.
Megjithatë, pamjet e bëra publike nga Daily Mail, tregojnë një episod a prekës aq edhe rrëqethës. Në video tregohen momentet e fundit të jetës së një ushtari ukrainas, i cili i vetëm është përballur me një skuadër të tërë trupash ruse.
Pamjet e filmuara me dron mbi Novotoshkivske në Luhansk, tregojnë një luftë e cila zhvillohet në stilin e llogoreve, njëlloj si në stilet e Luftës së Parë Botërore.
Ushtari qëllon disa herë me armën e tij, duke i detyruar separatistët të tërhiqen për një kohë të shkurtër, por numri i tyre superior dhe fuqia e tyre e zjarrit është e padiskutueshëe në krahasim me rezistencën e tij. Duke mos dashur të përfshihen në një përleshje ballore, separatistët tërhiqen dhe fillojnë të gjuajnë granata pas granate poshtë llogoren në të cilën është fshehur ushtari.
Një shpërthim granate e hedh ushtarin hero në tokë, duke e plagosur dhe gjymtuar këmbët e tij. Me gjithë plagët e tij, ai arrin të luftojë, duke rrëmbyer një granatë tjetër dhe duke e hedhur në drejtim të rusëve.
Por një tjetër granatë bie pikërisht në këmbët e tij disa sekonda më vonë, dhe këtë herë ai nuk është në gjendje t’i shpëtojë shpërthimit. Shpërthimi trondit hendekun dhe nxjerr një re tymi të zi të dendur, por kur pastrohet, mbrojtësi trim shihet i shtrirë i palëvizur në baltë.
Klipi rrëqethës mishëron luftën e hidhur në betejën e vazhdueshme për Donbasin, ndërsa trupat ruse këtë mëngjes arritën të depërtojnë në qytetin e Severodonetsk – qyteti i fundit në rajonin e Luhanskut nën kontrollin e forcave ukrainase.
Trupat ruse dhe ukrainase janë përfshirë tani në luftime intensive në Severodonetsk dhe qytetin fqinj Lysychansk. Ushtarët e Moskës, të mbështetur në avancimin e tyre drejt qytetit nga artileria e rëndë, tani po përballen me luftime të ashpra në rrugë.Lojtës Videosh
