“Kryeministri ka mbetur pa kalë beteje në fushatë.”- kështu është shprehur kryetari i grupit parlamentar i Partisë Demokratike, Edi Paloka sa i takon marrëveshjes Rama-Basha për zgjedhjet e qershorit.
I ftuar në emisionin “Kjo Javë” të gazetares Nisida Tufa në “Neës 24”, Paloka nuk i kurseu ironitë me kryeministrin Rama edhe në lidhje me ligjin e vetting-ut.
Sipas tij, aq shumë është folur për të mirat që i sillte vendit vettingu, sa po të kalonte ligji do rritej edhe gruri.
“Pasi të kalojmë vettingun do na rritet edhe gruri, deri këtu arritën. U bë barsoletë kjo punë. Por e lamë pa kalë beteje në fushatë. Se dimë çdo premtojë Rama nesër. Ne kurrë nuk kemi qenë kundër reformës në drejtësi as kundër vettingut, që u bë barsoletë. Ne do ngulim këmbë që kjo reformë t’ju japë shqiptarëve atë drejtësi që kërkojnë të gjithë”,- tha ai.
