Përmes një reagimi për mediat pranë opozitës, Edi Paloka, kryetar i grupit parlamentar të PD dhe njëherazi një prej organizatorëve të bllokimit të rrugëve, thotë se ambulancat gjatë protestës kanë qenë të mbushura me të sëmurë fals.
Sipas tij, ky ishte skenar i qeverisë për t’i nxjerrë protestuesit e opozitës si çnjerëzorë, por siç shtoi ai, edhe kjo përpjekje dështoi.
“Kishim dijeni se gjatë protestës do përdoreshin ambulanca që të dukeshim çnjerëzorë. Por skenari doli bllof, ambulancat me të sëmurë fals u lejuan të kalojnë”- u shpreh Edi Paloka.
