Nënkryetari i PD-së Edi Paloka ka reaguar sërish për përplasjen e dhunshme që ndodhi tek Astiri.
Përmes një postimi në “Facebook”, Paloka shkruan se; “nuk ka “kompensim” që mbulon dhunën dhe terrorin ndaj grave, fëmijëve e të moshuarve që mbrojnë strehën e tyre”.
REAGIMI I PALOKËS
Ju kërkoj ndjesë të tjerëve, po nuk mund të mos reagoj ndaj disa bastardëve që edhe sot e kërkojnë përgjegjësinë tek opozita.
Nuk po e bej si nënkryetar partie këtë reagim po si ish-gazetar që më vjen ndot ta quaj veten koleg të tyre sot.
Këta bastardë që gjithë ditën i lëpijnë prapanicën Edvinit dhe Velinës së bashkisë , pasi u cuan me nge nga krevati, hapën televizorët dhe si gjithnjë ju sulën opozitës, sot gjoja sepse nuk mbrojti “me trup” banorët e Astirit. Këta nuk shohin as korrupsionin, as dhunën e qeverisë tek Astiri, por shohin përgjegjësinë e opozitës.
Deputetët e opozitës shkuan atje sapo u njoftuan, po sigurisht ne nuk kishim as autoblinda e as armë për tu përballur me qindra e qindra forca speciale e jo vetëm, të mbledhura nga kjo qeveri prej të gjitha anëve. PD është parti politike jo trupë militare.
Me banoret e Astirit ne kemi një marrëveshje dhe do i qëndrojmë, çdo gjë do ju kompensohet drejtësisht.
Sigurisht nuk ka “kompensim” që mbulon dhunën dhe terrorin ndaj grave, fëmijëve e të moshuarve që mbrojnë strehën e tyre.
Po të jeni të bindur që nesër do të ketë shpagim jo vetëm tek fëlliqësirat në krye të shtetit por dhe tek shërbëtorët e tyre që sot paguhen me paratë e grabitura shqiptarëve për ti shërbyer atyre që dhunojnë e grabisin shqiptarët.
