Nënkryetari i PD, Edi Paloka është shprehur se Edi Rama përdor dy kllounët e tij Taulant Balla e Elisa Spiropali, të cilët gjoja flasin për drejtësi e duan edhe shkarkim antikushtetues të presidentit, ndërkohë që në të vërtetë duhet të ishin sot në burg.
Postimi i Edi Palokës:
Sa shpejt ju bie boja nga surrati kllounëve të Ramës…
Kërkuan të përdornin Komisionin e Venecias si “mashë” që Rama të mos i fuste duart në zjarrin që ka ndezur vetë.
Raportin e Venecias kërkonin ta përdornin jo vetëm për të justifikuar nismën për shkarkimin antikushtetues të Presidentit por dhe për ti dhënë legjitimitet 30 qershorit, një procesi që tanimë është rrëzuar tërësisht nga OSBE-ODIHR, të vetmet organizata që kanë kompetencën për të vleresuar proceset zgjedhore.
E sic ndodh rëndom kur në “lojë” futet dyshja në krahët e Ramës; Balla dhe Spiropalla, dihet dhe rezultati…
Të dy këta duhet të ishin sot në bankën e të akuzuarve për një sërë skandalesh , aferash korruptive e lidhjesh kriminale të faktuara më se një herë. Por ndërkohë këta jo vetëm përfaqsojnë qeverinë përpara institucioneve ndërkombëtare, po vazhdojnë të flasin për parime, për drejtësi e ju shesin moral shqiptarëve nga ekranet e televizioneve. Sigurisht që Rama di kë të zgjedh për raste të tilla. Dy më të diskretituarit e një maxhorance të diskretituar tërësisht.
E çfarë bëjnë sot? Pasi dolën bllof , madje dhe të fshikulluar nga Venecia; pasi nuk morrën raportin që shpresonin ta përdornin për qellimin e tyre, shpallën me gojën e Ballës dhe Spiropallës se “pavarsisht raportit të Komisionit të Venecias” komisioni i Ulsiut do të vazhdojë dhe do zbatojë detyrën që i ka caktuar “lideri” i këtyre të treve…
Shpejt drejtësia do të rikthehet në këtë vend dhe të gjithë do japin llogari për mëkatet e tyre.
